26 января 2021, 13:10
Дзæуджыхъæуы дарддæр цæуы Сабырдзинады проспекты рацарæзт
Активоной архайд цæуы фæстаг къæпхæны куыстытыл
Дзæуджыхъæуы дарддæр цæуы Сабырдзинады проспекты рацарæзт. Активоной архайд цæуы фæстаг къæпхæны куыстытыл. Уый у Горькийы уынгæй Дзанайы-фырты уынджы онг. Цалцæггæнæн куыстыты ацы къæпхæнæн дихгонд æрцыд 150 милуан сомы. Ныридæгæн фæндаг аразджытæ исынц зæронд фæндаджы быннаг хай. Уый фæстæ бавналдзысты инженерон коммуникацитæ ивынмæ. Проспектыл цæуæг æппæт хызтæ дæр цæудзысты зæххы бынты. Сног кæндзысты дондзæуæн системæ. Тезгъогæнæн бынæтты æвæрд æрцæудзæн гранит. Уæлдай æргом здæхт æрцæудзæн Ленины фæзмæ.
