Объекты фæллой кæны 90 адæймагæй фылдæр
Дзæуджыхъæуы дарддæр цæуы стадион «Спартачы» рацарæзт. Объекты фæллой кæны 90 адæймагæй фылдæр. Ныртæккæ сæ тæмæны бацыдысты скæсæйнаг трибунæ аразыны куыстытæ. Уыдзæн дзы 6 секторы. Стадионы ма фæзындзæн дыууæ ног цæстдарæн пункты, Комсомольскийы æмæ Шмулевичы уынгты. Нысантæм гæсгæ рацарæзты фæстæ стадионы бынæттæ уыдзæн 15 мин адæймагæн.
Фыццаг Лигæйы 7-æм туры матч, горæт Грозна. «Алани»-йæн фембæлд Ульяновскы «Волга»-имæ. Трибунæйы Цæгат Ирыстоны сæргълæууæг Сергей Меняйло дæр. Республикæйы командæйы фарсхæцджытæ йæ бафарстой, сæ уарзон «Алани» хæдзарон хъæзтытæ æцæгдæр хæдзары кæд æххæст кæндзæн.
27-æм августы Сергей Меняйло сбæлвырд кодта, республикон стадион «Спартачы» куыстытæ куыд æххæстгонд цæуынц, уый. Специалисттæ райдыдтой, хурыскæсæн трибунæйы æфсæн-бетон конструкцитæ æвæрын.
Фæзмæ æркасты фæстæ Сергей Меняйло бабар кодта, фæтагъддæр кæнын – арæзтадон куыстытæ хъуамæ фæуой иннæ аз уалдзæджы.
Куыстытæ æххæстгонд цæуынц хурныгуылæн трибунæйы дæр. Æдæппæтæй рацарæзты фæстæ стадионы бынат уыдзæн 15 мин адæймагæн. Трибунæты бын агъуыст фæуæрæхдæр уыдзæн, фæзындзæн комментатортæн позицитæ, фæфылдæр уыдзысты VIP-ложæтæ. Стадионы фæзындзæн 2 ног контролон-уадзæн пункты, æвæрæд æрцæудзæн нырыккон табло.
