филиал вгтрк государственная телерадиовещательная компания “Алания”

Дзæуджыхъæуы дарддæр цæуы Жуковскийы парчы рацарæзт. Куыстытæ ныддæргъвæтин сты, революцийы агъоммæ рагон уæлмæрдтæ дзы кæй ссардтой, уый тыххæй. Горæты Æхсæнадон Совет кусы ууыл, цæмæй сног кæной æхсæнады тыгъдады историон бæлвырддзинæдтæ. Раздæр ацы территорийы уыд Александр Невскийы номыл аргъуан æмæ фæз. Поэт Василий Жуковскийы номыл сквер та ахста ныртæккæйы парчы æртыккаг хай. Æхсæнадон кусджытæ бахастой фæндон, ацы бынаты историон хуыз раздахыны тыххæй. Ахæм хъæппæрисимæ архитектортæ курдиат бахастой республикæйы Сæргълæууæг Сергей Меняйломæ.