Ног хуыз райсдзæн, Къостайы проспекты 236-æм хæдзары раз цы сквер ис, уый
Дзæуджыхъæуы дарддæр цалцæг кæнынц æхсæнадон фæзтæ. Уый тыххæй фехъусын кодтой горæты администрацийы пресс-службæйæ. Ног хуыз райсдзæн, Къостайы проспекты 236-æм хæдзары раз цы сквер ис, уый. Ифтонггонд у нырыккон рухсгæнæнтæй. Уæдæ кæронмæ æрхæццæ кæнынц тротуарты плиткæ æвæрыны куыстытæ дæр. Хъæуы ма дзы æрмæстдæр къутæртæ ныссадзын, бандæттæ сæвæрын, æмæ бырæттæн бынæттæ снысан кæнын. Сæрды кæронмæ хæстæгæр хæдзæртты цæрджытæн фадат фæзындзæн цалцæггонд фæлладуадзæн фæзы сæхи аирхæфсынæн. Калинины уынджы æхсæнадон фæзы цалцæггæнæн куыстытæ та æрхæццæ кæнынц сæ кæронмæ. Ныридæгæн арæзт сты 70 проценты. Се нæниздзинад хъыгдард кæмæн у, уыцы адæмæн сарæзтой пандустæ. Уымæй уæлдай ма фæнд кæнынц сæвæрын 50 бадæн бынатæй фылдæр. Фæзындзæн дзы дæсгай ног рухсгæнæны дæр. Подрядон организацийы минæвæрттæ куыд зæгъынц, афтæмæй куыстытæ цæуынц æмгъуыдæй раздæр. Фæлладуадзæн фæзтæ цалцæг кæнынц федералон программæ «Горæты æнцонвадат архайд»-мæ гæсгæ.
