Ерысты архайдтой 8 командæйы, алкæцыйы дæр дзы уыди фæйнæ 18 адæймаджы.
Спорты Галуан «Манеж»-ы фæци æппæтуæрæсеон физкультурон-спортивон фестиваль «Цæттæ дæн фæллоймæ æмæ хъахъхъæнынадмæ»-йы регионалон къæпхæн. Фестиваль республикæйы уæлдæр ахуыргæнæндæтты хсæн цæуы 1-аг хатт. Ерысты архайдтой 8 командæйы, алкæцыйы дæр дзы уыди фæйнæ 18 адæймаджы. Фестивалы сæйраг хæс – фæсивæды спортмæ сразæнгард кæнын.Тæрхонгæнджытæ сын сæ цæттæдзинадæн аргъ кодтой дугъы уайынæй, хи хæрдмæ ивазынæй, дæргъмæ гæпп кæнынæй. Хатдзæгтæм гæсгæ, фыццаг бынат бацахста ЦИПУ-йы иугонд командæ, дыккаг – Цæгат Кавказы хæххон металлургон институт. Бронзæ призертæ систы финансон университеты Дзæуджыхъæуккаг филиалы спортсментæ. Республикон къæпхæны хатдзæгтæм гæсгæ, скæндзысты Цæгат Ирыстоны иугонд командæ æмæ йæ арвитдзысты æппæтуæрæсеон фестивалы архайынмæ.
