Хуыздæр бæрæггæнæнтæ равдисыныл ерыс кодтой 6 командæйы
Дзæуджыхъæуы фæци хоккейæ турнир «Косатка». Хуыздæр бæрæггæнæнтæ равдисыныл ерыс кодтой 6 командæйы. Архайдтой дзы 2013-æм азы гуырд лæппутæ. Тыхджындæр разындысты «Алайнаг стайтæ». Турниры хъæзтытæй иумæ бакаст не сфæлдыстадон къорд дæр, æмæ ныхасы бар Чехойты Фатимæйæн.
Ихыл – æцæг хоккейон тох. Фембæлдысты «Алайнаг стайтæ» æмæ «Наследие» – ацы командæтæ рагæй ерыс кæнынц кæрæдзиимæ. Фысымтæ сæхи уайтагъд равдыстой тыхджындæрæй. 11:1 – ахæм уыд хъазты хыгъд. Уыдонæй 2 шайбæйы бакъуырдта Булацаты Астан. Уымæй уæлдай ма балæвæрдта цалдæр шайбæйы голтæ бакъуырынæн . 8-æм номыр ацы хъазты хатдзæгтæм гæсгæ сси командæйы хуыздæр хоккеист.
Ихы стъæлфæнтæ, адæмы æмдзæгъд æмæ уæлахизыл тох. Турниры архайдтой 2013 азы гуырд лæппуттæ, æдæппæтæй 6 командæйы. Стайтæн иунæг шайбæ бакъуырдта Ярослав Бобин. Уый у командæ «Наследие»-йы уæнг. Ярослав нымад æрцыд йæ командæйы хуыздæр хъазæгыл.
Коммерцион турнир «Косатка» ихын фæзы арæзт æрцыд фыццаг хатт. Фыццаг, фæлæ хоккейæ ам фæстаг чемпионат нæ уыдзæн. Февралы кæрон ацæудзæн лæппуты * хсæн ерысты 3-аг къæпхæн. Ихын фæзы директор куыд фехъусын кодта, уымæ гæсгæ фæнд кæнынц ацы спорты хуызмæ фылдæр цæстæнгас дарын.
«Алайнаг стайтæ» систы турниры чемпионтæ. Уыдон разындысты тыхджындæр, фæлæ зындгонд советон зарæг куы *рхъуыды кæнæм – «Тæппуд хоккейæ нæ хъазы» зæгъгæ, уæд уымæ гæсгæ иннæ æрыгон хоккеисттæ дæр сты уæлахиздзаутæ. Ихыл лæппутæ æрмæст хъазты техникæ нæ ахуыр кæнынц, фæлæ ма хоккейы руаджы хъæддыхдæр кæнынц сæ буар æмæ удыхъæд.
