Фæсивæд ерыс кодтой спорты 9 хуызæй
Дзæуджыхъæуы финансон университеты схорзæхджын кодтой профессионалон ахуыргæнæндæтты сæрдыгон спартакиадæйы уæлахиздзауты. Фæсивæд ерыс кодтой спорты 9 хуызæй. Æдæппæтæй дзы архайдтой нæ республикæйы 16 ахуыргæнæндоны студенттæ. Уæлахиздзаутæ дарддæр Ирыстоны кад хъахъхъæндзысты Башкортостаны республикæйы сæйраг горæт – Уфайы.
Спортивон фæсивæд æмæ æнæниз цардыуаг. Карсанаты Дианæ у Цæгат Ирыстоны Паддзахадон медицинон академийы студенткæ æмæ профессионалон ахуыргæнæндæтты сæрдыгон спартакиадæйы уæлахиздзау волейболæй. Кæд медицинæ æмæ спорт кæрæдзимæ дард лæууынц, уæддæр сæ чызг арæхстджынæй бæтты иумæ.
Профессионалон ахуыргæнæндæтты сæрдыгон спартакиадæ арæзт у 4 къæпхæнæй. Æдæппæтæй фæсивæд ерыс кодтой спорты 9 хуызы. Уыдон та уыдысты: Волейболæй, рог атлетикæйæ, ленк кæнынæй, баскетболæй, классикон хъæбысхæстæй, стæй рæттыл хъæбысхæстæй, чысыл футболæй, стъолыл теннисæй, самбойæ æмæ шахмæттæй.
Ацы аз Цæгат Ирыстоны спартакиадæйы архайдтой 16 ахуыргæнæндоны. Ныридæгæн сæххæст кодтой спортивон ерысты 3 къæпхæны.
Спартакиадæйы алы спорты хуызы уæлахиздзаутæ архайдзысты æппæтуæрæсеон къæпхæны, Башкортостаны республикæйы сæйраг горæт – Уфайы.
