Специалисттæ дарддæр архайынц зæххон уæлцъар раст кæныныл æмæ асфальт-бетон æвæрыныл
Дзæуджыхъæуы иувæрсты цы фæндаг арæзынц, уымæн скодтой йе 70 проценты. Специалисттæ дарддæр архайынц зæххон уæлцъар раст кæныныл æмæ асфальт-бетон æвæрыныл. Ныридæгæн стыр транспортон объекты конд фесты куыстыты егъау хай. Бæлвырддæр хабæрттæ радзрдзæн Чехойты Фатимæ.
Дзæуджыхъæуы иувæрсты цæуæг фæндаджы арæзтад бацыд йæ тæмæны. Йæ фарсмæ ма уыдзæн иу рацæуæн, тоннелы хуызы. Уый хицæн кæндзæн транспорты цыд. Куыстытæ райдыдтой 2024 азы.
Проектыл куыст райдыдта 2021 азы. 12 километры дæргъæн уаццагыл сæвæрдтой зæххы уæлцъар. Сæвæрдтой 7 километрæй фылдæр растгæнæн цъар æмæ асфальт-бетоны быннаг хай. Ныффидар кодтой 830-æй фылдæр цæджындзтæ электрон рухсгæнæнтæн.
Ныртæккæ объекты дарддæр æвæрынц зæххы уæлцъар, кусынц ын йæ быннаг хай фидар кæныныл. Фæндаг арæзт уыдзæн асфальтбетоны 3 цъарæй æмæ йын йæ хъæрзхъæддзинад хæдтулгæты егъау уæзæй чи хъахъхъæндзæн, ахæм хызæй. Уыцы-иу рæстæг куыст цæуы дондзæуæнтæ аразыныл æмæ электрон тыхы телтæ фидар кæныныл.
Дзæуджыхъæуы иуварс цæуæг ног объект фæрогдæр кæндзæн горæты фæндаггон змæлд. Фæхуыздæр уыдзæн йæ экологон уавæр дæр, транзитон транспорт йæ фæрсты цæуын куы райдайа, уæд. Фæндагæн йæ уæрх уыдзæн 15 метры. Æдæппæтæй специалисттæ сараздзысты æртæ дыууæуæладзыгон транспортон хызы æмæ авд фæндаггон рацæуæны.
