филиал вгтрк государственная телерадиовещательная компания “Алания”

Дзæуджыхъæуы йæ куыст райдыдта радио ВЕРА. Байхъусæн æм ис ФМ уылæнты 106 æнæхъæны æмæ 7 дæсæм хайы арæхады. Уый у æппæтæй егъаудæр культурон-рухстауæн радиостанцæ. Кусы æхсæвæй-бонæй Уæрæсейы 165 горæты æмæ фæсарæнты дæр. Эфиры хъуысынц Сыгъдæг Фыстæй скъуыддзæгтæ, историйы тыххæй программæтæ, ирон сыгъдæг дзуæртты æмæ бинонты хæзнаты тыххæй хъусынгæнинæгтæ. Уымæй дарддæр дзы уыдзысты сæрмагондæй сывæллæттæн программæтæ дæр. Иуæй-иу радиобакастытæ цæудзысты ирон æвзагыл. Нысантæм гæсгæ ма ацы азы кæронмæ фæнд кæнынц æппæт республикæйыл аххæссын. Зæгъдзыстæм ма уый дæр, æмæ проект царды уагъд æрцыд, Дзæуджыхъæуы епархийы сног кæныны 15 азы бонмæ.