Уыдзæн дзы бæлæсты æмæ дидинджыты алы хуызтæ, уыимæ дунейы алы рæттæй
Дзæуджыхъæуы кæрон рæхджы фæзындзæн, абарæн кæмæн нæй, ахæм объект – Ботаникон цæхæрадон. Уыдзæн дзы бæлæсты æмæ дидинджыты алы хуызтæ, уыимæ дунейы алы рæттæй.
Цæгат Кавказы ацы зайæгойæн ис иунæг экземпляр – куннингамия ланцетолистная æрдзон уавæрты зайы æрмæстдæр Китайы. Фæлæ ирыстойнаг зæххы дæр йæхи æнкъары иттæг хорз. Дзæукъаты Аленæ зайæгойтимæ куыстæн балæвар кодта бирæ азтæ.
Ботаникон цæхæрадоны цы зайæгойты коллекци ныссаддзысты, уым æппынкъаддæр уыдзæн 4 мин экземпляры. Æрмæст ацы аз самал кодтой иу мин ног хуызæй æмæ мыггагæй фылдæр. Зæгъæм æппæт нæзы æмæ заз бæлæсты рагондæр хуыз нымад у æппæтæй стæмдæр экспонатыл.
Дзæукъаты Аленæ æрзайын кæны æмæ нæ климаты уавæртæм сахуыр кæны бирæ зайæгойтæ. Ацы хъуыддаг ын хорз æнтысы. Ног зайæгойтæ та фæстæдæр сагъд æрцæудзысты ботаникон цæхæрадоны, Балтайы хъæумæ хæстæг.
Ботаникон цæхæрадон нысан кæнынц аст уаццагыл адих кæнын – япойнаг, англисаг, францусаг æмæ æндæртæ. Уымæй дарддæр дзы уыдзæн тропикон æмæ субтропикон оранжерейæ, стæй уардиты алы хуызтæ.
Ацы цымыдисаг проект æххæстæй царды рауадзын нысан кæнынц дыууæ мин дыууын фæндзæм азмæ. Афтæмæй рæхджы Ирыстоны фæзындзæн ног цымыдисаг цъæх фæлысты бынат.
