Зæронд кусæнгæрзтæ горæтæн лæггад кодтой 20 азæй фылдæр
Дзæуджыхъæуы кæронмæ æрхæццæ, ног светодиодон светофортæ æвæрыны куыст. Зæронд кусæнгæрзтæ горæтæн лæггад кодтой 20 азæй фылдæр. Ныр æй æххæстæй райхæлдтой. Специалисттæ канд оптикон кусæнгæрзтæ нæ баивтой, фæлæ ма рацарæзтой æппæт системæ. Баивтой сигналхæццæгæнæг кабельтæ æмæ разамындæттæг аппаратурæ. Фæстаг объект уыд, Пушкинскийы æмæ Горькийы уынгты алвæндагыл. Ног кусæнгæрзтæн сæ бон у фылдæр рухс здахын. Зыны алы боныхъæды уавæрты дæр. Хорзыл ма банымайæн ис уый, æмæ у хæрзхъæд, стæй электрон тых зынгæ къаддæр чи хардз кæны, ахæм. Раздæры светофортæ зындæр эксплуатацигонд цыдысты. Сæ лампæтæ-иу арæх басыгъдысты, æмæ сæ хъуыды ивын. Зæронд линзæтæн сæ хуыз ивта, сигналтæ æвзæр зындысты. Ныр уыцы фарста дæр лыггонд æрцыди. Светофорты хызы модернизаци зынгæ фæфидардæр кæндзæн Дзæуджыхъæуы фæндаггон змæлды æдасдзинад, – зæгъынц специалисттæ.
