18 августа 2022, 11:33
Дзæуджыхъæуы Кинойы хæдзары арæзт æрцыд кинооператор Михаил Немысскийы мысæн изæр
Мадзал сбастой йæ райгуырæн бонимæ
Дзæуджыхъæуы Кинойы хæдзары арæзт æрцыд кинооператор Михаил Немысскийы мысæн изæр. Мадзал сбастой йæ райгуырæн бонимæ. Цæгат Ирыстоны æмæ Дагестаны аивæдты сгуыхт архайæджы æмкусджытæ, хæлæрттæ æмæ хæстæджытæ радзырдтой сæ мысинæгтæ. Архивон хуызистытыл – Михаил Немысский кусгæйæ. Йæ цæстытæй аивадуарзджытæ кастысты кинонывтæ «По следам Карабаира», «Кольцо старого шейха», «Пишите письма»-йы хъайтартæм. Михаил Немысскийæн йæ профессионалон фæндаг райдыдта кинооператоры ассистентæй. Афæдзы фæстæ систа аивадон киноныв «Костры на башнях». 50 азæй фылдæр лæггад кодта цæгатирыстойнаг телеуынынадæн. Систа 15 æххæстметражон аивадон кинойы, 200 документалон æмæ цыбырметражон лентæйы.