Дæсныйадæвдисæг ахуыртæ ацыдысты спортивон комплекс “Олимп”-ы
Дзæуджыхъæуы колледжты 100 студенты онг хуынд æрцыдысты, дунейы чемпионкæ сапсерфингæй Елена Прохоровайы дæсныйадæвдисæг ахуырмæ. Сапсерфинг – у спорты ног хуыз. Фæстаг рæстæг æппæт дунейы дæр кæны парахатдæр. Дæсныйадæвдисæг ахуыртæ ацыдысты спортивон комплекс “Олимп”-ы. Мадзал адих кодтой дыууæ хайыл. Раздæр уал лæппутæн æмæ чызджытæн бакастысты лекцитæ, ацы спорты хуызы техникæйы тыххæй. Уый фæстæ та студенттæн фадат уыд, цы теорийы зонындзинæдтæ райстой, уыдон практикон хуызы сфидар кæнынæн. Алкæмæн дæр йæ бон уыд бассейны алыварс фæйнæгыл ацæуынæн. Спортивон мадзал саразыныл бакуыста æхсæнадон паддзахадон физкультурон-спортивон æхсæнад «Уæрæсейы æвзонгдзинад». Дæсныйадæвдисæг ахуыртæ ацыдысты, федералон проект «Спорт – норма жизни» æххæст кæнгæйæ.
