Бархионты *хсæн сты æфсæддон слæжбæйы фæлтæрддзинад кæмæ ис æмæ хæцæнгарз йæ къухтæм иу хатт дæр чи нæ райста, ахæм адæм
Дзæуджыхъæуы кусынц Æфсæддон службæмæ контракт бафыссæн кæм ис, ахæм бынæттæ. Бархионты *хсæн сты æфсæддон слæжбæйы фæлтæрддзинад кæмæ ис æмæ хæцæнгарз йæ къухтæм иу хатт дæр чи нæ райста, ахæм адæм. Контрактмæ гæсгæ службæ кæнын чи сфæнд кодта, уыдон иууылдæр ацæуынц сæрмагонд ахуыртæ. Бæлвырддæр радзурдзæн Чехойты Фатимæ.
Полицæйы раздæры сержант ныртæккæ срæвдз сæрмагонд æфсæддон операцимæ цæуынмæ Уæрæсейы Æфсæддон тыхтимæ. Сергей Коломиец йæ хæсыл нымайы Фыдыбæстæ хъахъхъæнын. 45 аздзыд нæлгоймагæн æфсæддон формæ æмæ присягæ хуымæтæг ныхæстæ не сты, фæлæ йæ царды сæйраг хъуыддаг.
Бархионты *хсæн ис, йе *фсæддон хæс чи нæма сæххæст кодта, ахæм лæппутæ дæр. Къæбысты Сослан хæцæнгарз йæ къухтæм никуыма райста. Контрактмæ гæсгæ службæ кæнын у йæхи фæнд.
Цæгат Ирыстоны æвзарæн пункттæ кусынц æнæхъæн бон. Кандидаттæ уый бæрц сты, æмæ сæ иу мæймæ саразынц цалдæр къорды. Æвзарæн пунктты кусджытæ алы бон дæр фембæлынц ног адæмимæ. Контрактмæ гæсгæ службæгæнджытæн кæнынц алывæрсыг æххуыс — мызд, æфсæддон ипотекæ, лæвар медицинон лæггæдтæ, бинонтæм цæстдард, куыст ссарынæн æмæ ахуыр кæнынæн фадæттæ. Сержантæй райдай æмæ офицерæй фæуы — контракт бафыссын йæ бон у алкæмæн дæр.
Алы кандидат дæр æппæты разæй дыууæ къуырийы дæргъы ацæуы ахуыртæ сæрмагонд центры. Уырдыгæй æрвыст æрцæуынц сæрмагонд æфсæддон операцимæ. Уым дæр та сæ фыццаг рæстæг фæцæттæ кæнынц хæстон уавæртæм, æфсæддон нысантæ æххæст кæнынмæ.
