31 октября 2023, 11:53
Дзæуджыхъæуы мемориалон фæйнæг байгом кодтой зындгонд математик Гуыдиаты Амырханæн
Йæ наукон куыстытæ хъуыстгонд сты æрмæст Советон Цæдисы нæ, фæлæ фæсарæнты дæр
Дзæуджыхъæуы мемориалон фæйнæг байгом кодтой дунейы зындгонд математик Гуыдиаты Амырханæн. Йæ наукон куыстытæ хъуыстгонд сты æрмæст Советон Цæдисы нæ, фæлæ фæсарæнты дæр. Ратæлмац ын сæ кодтой англисг æвзагмæ дæр. Мемориалон фæйнæг байгом кодтой, профессор кæм царди, уыцы хæдзары къулыл. Кадджын мадзалы архайдтой ЦИПУ-йы ахуыргæнджытæ, Уæрæсейы наукæты академийы Дзæуджыхъæуккаг наукон центры минæвæрттæ, ахуыргонды студенттæ æмæ хæстæджытæ. Мемориалон фæйнæджы автор у нывгæнджыты Цæдисы уæнг – Гогаты Алан.
