филиал вгтрк государственная телерадиовещательная компания “Алания”

Æфсадмæ сидыны уалдзыгон кампанийы агъоммæ Дзæуджыхъæуы, офицерты хæдзары уыд инструкторон-методикон æмбырд сидæн къамисты минæвæрттимæ, æфсæддон комиссартимæ, республикæйы æмбырдгæнæн пунктты разамонджытимæ. Æрдзырдтой фæззыгон кампанийы хатдзæгтыл, снысан кодтой хæстæ уалдзыгонæн. Дзырдтой ма æфсæддон комиссарадты æмархайды тыххæй министрадтимæ æмæ ведомствæтимæ фæсивæды æфсæддон службæмæ цæттæ кæныны фарстаты фæдыл. Республикæйы æфсæддон комиссар Владимир Скоморох куыд загъта, афтæмæй ахæм куыст æдзухдæр æххæстгонд цæуы Цæгат Ирыстоны æппæт районты.