Полигоны рекультиваци национ проект «Экологийы» федералон проекты «Чистая страна»-йы фæлгæты райдыда дыууæ азы размæ
Дзæуджыхъæуы полигоны хъæбæр коммуналон хауæдздзæгты рекультивацийыл Сергей Меняйло æрныхас кодта Уæрæсейы æрдзæй пайда кæныны къабазмæ цæстдарды разамонæг Светлана Радионоваимæ. Фембæлд ацыди Мæскуыйы. Полигоны рекультиваци национ проект «Экологийы» федералон проекты «Чистая страна»-йы фæлгæты райдыда дыууæ азы размæ. Ныртæккæ кæронмæ фæхæццæ кæны хъахъхъæнæн экранæн бындур сæвæрыны финалон къæпхæн. Уæвгæ, рекультивацийы техникон къæпхæны проекты амынд чи ис, æппæт уыцы объектты куыстытæ фæнд кæнынц сентябры кæронмæ сæххæст кæнын. Куыстыты комплексы арæзт у 4 къæпхæнæй. Раздæры полигоны бынаты арæзт æрцæудзæн ландшафтон зонæ. Регионы сæргълæууæг куыд загъта, афтæмæй полигоны рекультивацийы фарста республикæйæн у ахсджиаг. Йæ фæрцы, мæр æмæ уæлдæф зынгæ фæсыгъдæгдæр уыдзысты, æмтгæй та фæхуыздæр уыдзысты горæты, стæй республикæйы экологон уавæр дæр.
