филиал вгтрк государственная телерадиовещательная компания “Алания”

Дзæуджыхъæуы полигоны рекультивацийы радон къæпхæныл æрныхас кодтой, Тускъаты Таймуразы разамындæй цы æмбырд ацыдис, уым. Хицауады сæрдар бузныг загъта, ацы процедурæ сæххæст кæныныл куыст æнæкъуылымпыйæ кæй цæуы, уый тыххæй. Радон хъуыддаг – фильтрат аласын æмæ йæ утилизаци скæнын. Ацы куыст райдайдзысты, «Владсток» куыддæр сæрмагонд лицензи райса, афтæ. Ныртæккæ специалисттæ бæрæг кæнынц мæр, æмæ дзы иртæстытæм гæсгæ зианхæссæг буаргъæдтæ бирæ нæй.  Полигон ис горæт æмæ Джызæлы хсæн. Ацы арæнтыл дæр ныхас рагæй цæуы. Фарста лæвæрд æрцæудзæн Дзæуджыхъæуы минæвæртты æмбырды депутаттæм æмæ йыл бакусдзысты августы кæрон.