24 марта 2022, 13:54
Дзæуджыхъæуы райдыдта регионалон наукон-практикон 18-æм конференци «Колмогоровы номыл кæстытæ
Мадзал фыццаг хатт сарæзтой 2003-æм азы, зындгонд математик Андрей Колмогоровы 100 азы юбилейы кадæн
Дзæуджыхъæуы райдыдта регионалон наукон-практикон 18-æм конференци «Колмогоровы номыл кæстытæ». Мадзал фыццаг хатт сарæзтой 2003-æм азы, зындгонд математик Андрей Колмогоровы 100 азы юбилейы кадæн. Конкурсы сæйраг нысан у математикон ахуырады уагæвæрд æххæст кæнын, иртасæн куыст чи кæны, уыдонæй курдиатджынты рабæрæг кæнын æмæ сын æххуыс кæнын, зонгæ сæ кæнын нырыккон наукон æмæ методикон ногдзинæдтимæ æмæ æрхъуыдыдзинæдтимæ. Уымæй уæлдай конференцийы рæстæг арæзт цæудзысты алыхуызон олимпиадæтæ, стæй робототехникæйæ конкурс. Конференци цæудзæн 28-æм мартъимæ. Уæлахиздзаутæн ратдзысты дипломтæ, сертификаттæ æмæ зынаргъ призтæ.
темæмæ гæсгæ
