Ацы аз сæйраг темæ – «ЭТНО МЫ»
Дзæуджыхъæуы райдыдта регионты хсæн креативон индустрияты дыккаг форум «Кавказаг акцент». Ацы аз сæйраг темæ – «ЭТНО МЫ». Стыр æргом здæхт цæуы национ традицитæм æмæ нырыккон сфæлдыстадон хъæппæристæм. Архайджытæн бацæттæ кодтой алыхуызон фæзтæ – тематикон тректæ, практикон лабораторитæ, семинартæ æмæ интенсивтæ. Форумы программæйы сты ирд культурон мадзæлттæ. Баиу кодтой нæ бæстæйы алы субъекттæй сфæлдыстадон адæмы. Цæгат Ирыстонмæ ссыдысты амалхъом адæм, продюсертæ, креатортæ æмæ разамынддæттæг командæтæ. Лекцитæ кæсдзысты раззагдæр уæрæсейаг эксперттæ æмæ креативон раздзогтæ. Форум саразыныл бакуыста республикæйы креативон индустрияты рæзты Фонд, регионы хицауады æмæ стратегион хъæппæристы Агентады æххуысæй. Пленарон æмбырды архайдта Цæгат Ирыстоны сæргълæууæг Сергей Меняйло. Йæ раныхасы куыд загъта, афтæмæй Кавказы иудзинады тых ис йæ алывæрсыг культурæйы.
