Ам ныхас цæуы, Уæрæсейы Федерацийы Президенты æвзæрстыты рæстæг, адæмы æвзарæн бартæн мониторинг чи кæндзæн, уыцы адæмыл
Сæйраг æвзарæн кампанимæ йе ргом здахы æхсæнад. Дзæуджыхъæуы райдыдтой ахуырадон мадзæлттæ. Сæрмагондæй цæстдарджытæн. Ам ныхас цæуы, Уæрæсейы Федерацийы Президенты æвзæрстыты рæстæг, адæмы æвзарæн бартæн мониторинг чи кæндзæн, уыцы адæмыл. Куыд зонут, афтæмæй æвзæрстытæ цæудзысты 2024-æм азы 15-æмæй 17-æм мартъийы онг. Ахуырадон семинары спикертæ уыдысты Цæгат Ирыстоны Центрон æзварæн къамисы сæрдар Моргуаты Жаннæ, Æхсæнадон палатæйы сæрдар Нина Чиплакова, стæй æндæр эксперттæ. Ныхас ма цыд æвзæрыстыты фæткыл, стæй æвзарæн процессы сæйраг принциптæ. Æмбырды архайджытæ куыд бафиппайдтой, афтæмæй бирæ рæстæг нал баззад, æмæ æппæт фарстатыл хъæуы бæстон бакусын.
