Уæвгæ проект арæзт æрцыд Уæрæсейы бирæ регионты, фæлæ йæ райдайын та сфæнд кодтой Цæгат Ирыстонæй
Дзæуджыхъæуы Цæгат Ирыстоны паддзахадон университеты æххæст кæнын райдыдтой физкультурон-дзæбæхгæнæн проект «Физкультурæ алкæмæн дæр». Уæвгæ проект арæзт æрцыд Уæрæсейы бирæ регионты, фæлæ йæ райдайын та сфæнд кодтой Цæгат Ирыстонæй. Проекты автор – зындгонд тренер физкультурæйæ Владимир Плетнев куыд загъта, афтæмæй нæ республикæ хуымæтæджы нæ равзæрста. Баст у уыимæ, æмæ нæм ис бирæ Олимпаг чемпионтæ, дунеон æмæ европæйаг ерысты уæлахиздзаутæ. Социалон проекты ис алыхуызон фæлтæрæнтæ, куыд сывæллæттæн, афтæ хистæртæн дæр. Алкæмæн дæр йæхи æмвæзадыл. Владимир Плетневы хъуыдымæ гæсгæ æнæниздзинады бындур сты, куыд спортивон фæлтæрæнтæ, афтæ миддуне хъæздыг кæныны мадзæлттæ. Æнæмæнг – уыцы-иу рæстæг.
