Кинолентæ ирдæй æвдисы, Японийы императорон æфсады къордыл тæрхон куыд цыди, уыцы цаутæ
Дзæуджыхъæуы равдыстой документалон киноныв «Хабаровский трибунал. Лаборатории смерти». Кинолентæ ирдæй æвдисы, Японийы императорон æфсады къордыл тæрхон куыд цыди, уыцы цаутæ. Азымджын сæ кодтой Дыккаг дунеон хæсты рæстæг бактериологон хæцæнгарзы хуызтæй кæй пайда кодтой, уымæй. Режиссер Татьяна Борщы документалон кинолентæ ист æрцыд культурон хъæппæристы президентон гранты æххуысæй. Презентаци арæзт æрцыд, проект «Наш Лановой: гражданин и патриот» æххæст кæнгæйæ. Культурон мадзалы архайдтой Уæрæсейы Æнæмæлгæ пъолчы Центрон штабы æмсæрдар Сергей Макаров, Цæгат Ирыстоны Парламенты сæрдар Тускъаты Таймураз, ветеранты, фæсивæдон æмæ æхсæнадон организациты минæвæрттæ.
