Архайдтой дзы 200 адæймагæй фылдæр
Фæллад уадзæн бинонтимæ æмæ хæлæрттимæ. Ног Азы бæрæгбоны уæгъд рæстæджы кæронбæттæн бон Дзæуджыхъæуы цæрджытæн æмæ уазджытæн сарæзтой мадзал къахдзоныгътыл бырынæй. Архайдтой дзы 200 адæймагæй фылдæр. Арæзт æрцæуы æрвылаз январы, спорты æмæ æнæниздзинады декадæ æххæст кæнгæйæ. Бæлвырддæр радзурдзæн Чехойты Фатимæ.
Бæрæгбæттæ – хорз рæстæг активон хуызы фæлладуадзынæн. Уый руаджы адæймаг вæййы уæлдай райгонд , йæ зæрдæйы та фæзынынц ирд æнкъарæнтæ. Дзæуджыхъæуы цæрджытæн æмæ уазджытæн арæзт æрцыд фадат кæронбæттæн фæлладуадзæн бон пайдаимæ арвитынæн. Ихын фæзы алы аз дæр спортивон куыстуæттæ адæмæн саразынц ирхæфсæн бон.
200 адæймагæй фылдæр сæмбырд Ихын фæзы. Иутæ æрбацыдысты сæ хæлæрттимæ, иннæтæ та – æнæхъæн бинонтæй. Алчидæр йæхи ирхæфста йæ бон куыд уыд, афтæ. Чидæртæ арæхстджынæй лæууыдысты къахдзоныгътыл. Фыццаг хатт сæ чи скодта, ахæмты дæр фенæн уыд ихыл.
Хоккей æмæ къахдзоныгътыл аив бырын Цæгат Ирыстонæн сты æрыгон спорты хуызтæ. Фæлæ ихыл къахдзоныхтыл ныфсджынæй чи лæууы, ахæм адæм сты бирæ.
Цæгат Ирыстон у спортивон республикæ. Йæ цæрджытæн цымыдисаг стыспорты ног хуызтæ. Ахæм мадзæлттæ та хорз ахъаз сты адæмæн се *нæниздзинад фидар кæнынынæн.
