Уый тыххæй баныхас клдтой Мæскуыйы, форум «Мы вместе. Спорт»-ы рæстæг
Дзæуджыхъæуы сараздзысты нырыккон физкультурон-дзæбæхгæнæн комплекс «Клеверспорт». Уый тыххæй баныхас клдтой Мæскуыйы, форум «Мы вместе. Спорт»-ы рæстæг. Уым архайы нæ республикæйы делегаци дæр. Йæ сæргъы ис спорты министр Кочиты Сослан. Раздæр та проект сфидар кодтой сæрмагонд домæнтæм гæсгæ æмæ йæ саразынæн æхца радих кæндзысты федералон бюджетæй. Физкультурон комплекс уыдзæнис Хæдарцаты Асланы æмæ Денджызон фистæгæфсæддонты уынгты тигъыл. Арæзтад райдайдзæнис ацы аз. Ведомствæйы разамонæг куыд зæгъы, афтæмæй комплексы фæрцы сараздзысты 87 ног куысты бынаты. Уымæй уæлдай объектæн уыдзæнис социалон нысаниуæг — сидзæр сывæллæттæн, пенсиисджытæн æмæ сæ æнæниздзинад хъыгдард кæмæн у, уыцы адæмы бон уыдзæнис комплексы лæвар архайын.
