филиал вгтрк государственная телерадиовещательная компания “Алания”

Дзæуджыхъæуы Штыбы фæз æмæ Рождественскийы уынгтæ кæм баиу вæййынц, уым райдыдтой асинтæ цалцæг кæнын. Ныртæккæ йын кусджытæ халынц йæ уæллаг цъар. Уый фæстæ асинты ныккæндзысты бетон. Стæй та архитектурон конструкци æмæ йæ фарсмæ цы къул ис уый саив кæндзысты гранитæй къæйтæй. Ам ма æвæрд æрцæудзæн ног рухсгæнæн системæ дæр. Куыстытæ дзы цæуынц муниципалон программæ «Горæты рацарæзт æмæ аивдзинад»-ы фæлгæты. Аразджытæ куыд нысан кæнынц, афтæмæй проект кæронмæ æххæстгонд æрцæудзæн иннæ аз.