Эспозици равæрдтой спортивон комплекс «Олимп»-ы
Дзæуджыхъæуы цæуы Уæрæсейы спорты историйы равдыст. Эспозици равæрдтой спортивон комплекс «Олимп»-ы. «Намысы монетæтæ» — уыдон сты Уæрæсейы Банчы монентæты æмбырдгонд, алкæцыйыл дæр дзы нывгонд ис спортивон цаутæ æмæ зындгонд спорсментæ. Экспозицийы хъайтарты хсæн ис XX æнусы хуыздæр футболон дуаргæс, къахдзоныгътыл бырыны спорты историйы иунæг 6 хатты олимпаг чемпионкæ. Аивадон гæнæнæты фæрцы æфсæйнагыл канд спортсменты силуэттæ саразын нæ бантыст, фæлæ ма се нкъарæнтæ дæр. Хицæн къамты стенд та сарæзтой Сочийы Олимпиадæйæн æмæ дзюдойæ архайджытæн. Зæгъын хъæуы уый, æмæ зæрдылдарæн æхцайыл сныв кæныны спортивон тематикæйы хъуыды фыццаг хатт кæй фæзынд 1980-йæм азы Мæскуйы Олимпиадæйы фæстæ. Уæдæй фæстæмæ спортивон сюжеттимæ æхца уагъд цæуы æдзухдæр. Абоны бонмæ сты 200–мæ хæстæг. Уæрæсейы Банчы зæрдылдарæн нысантæ аразынц нывгæнæг – медальертæ «монетный двор» кæй хонынц, уым. Хицæн кæнынц сæ хæрзхъæддзинадæй æмæ æнæбафæзмындзинадæй. Равдыст фенæн ис 10-æм сентябрьмæ, уыимæ – лæвар.
