Ныртæккæ специалисттæ ног кæнынц декоративон хæйттæ
Дзæуджыхъæуы центрон парчы дарддæр цæуы фонтан «Кæсаглас»-ы реставраци. Ныртæккæ специалисттæ ног кæнынц декоративон хæйттæ. Скульптортæ сæрмагонд скондæй уадзынц химерæты, кæлмыты æмæ кæсæгты. Алы элементмæ дæр кусджытæ баиу кæндзысты хæтæлтæ, фильтрацион ифтонггæрзтæ, модернизаци скæндзысты рухсгæнæн æмæ донцъирæн станцæ. Бæлвырддæр радзурдзæн Хъайтмазты Дзерассæ.
Ацы объект æрмæст горæты аивгæнæн нæу, фæлæ цалдæр фæлтæры сабибонты хай. Абон зындгонд у куыд фонтан «Кæсаглас» Дзæуджыхъæуы центрон парчы. Фыццаг, маргъы фигурæйы бынаты уыд лотосы дидинæг. Фæлæ рæстæгимæ æрмæст уый нæ аивта. Парчы сæйрагдæр символтæй иуы уавæр заууатмæ æрцыд. Бындурон цалцæг æнæмæнг хъуыд. æххæстгонд цæуы дыккаг хатт. Реставрацион компанийы генералон директор Юрий Иодко куыд зæгъы, афтæмæй фыццаджыдæр бавнæлдтой æппæтæй зындæр хаймæ – фонтаны къусмæ. Фæлæ сæйраг къуылымпыдзинад сæвзæрд згъæримæ.
Реставрацион компани бакуыста дæсгай объекттыл æппæт бæстæйы æмæ фæсарæнты. Сæйрагдæртæй иу – Таджикистаны президенты резиденцийы фонтанты комплекс. Специалисттæ æрмæст металлимæ кусын нæ арæхсынц. Бæлвырд зонынц, фонтан техникон æгъдауæй модернизаци скæнын, уыимæ бахъахъхъæнын йе ддаг бакаст.
æппæтæй зындæр куыст æххæстгонд æрцыд. Металлмæ базылдысты. Баззадысты ма лæгъзгæнæн куыстытæ. Уыцы иу рæстæг ног кæнынц декоративон хæйттæ – химерæты æмæ кæлмыты. Сæфт æрцыдысты ивгъуыд æнусы 30-æм азты. Ног элементтæ уадзынц сæрмагонд скондæй.
Ацы фарста, куыд иннæтæ дæр, бæлвырдгонд цæудзæн Дзæуджыхъæуы администрациимæ.
Фонтан «Кæсаглас»-ы реставраци у Дзæуджыхъæуы парчы зонæтæ ног кæныны хай. Пъланмæ гæсгæ куыстытæ фæуыдзысты афæдзы кæронмæ.
