02 февраля 2024, 12:05
Дзæуджыхъæуы уыд республикæйы æвзарæн къамисы уæнгты æмбырд инвалидты æхсæнадон организациты минæвæрттимæ
Фембæлды дзырдтой, бæстæйы президенты æвзæрстыты тæххæй
Дзæуджыхъæуы уыд республикæйы æвзарæн къамисы кусæг къорды уæнгты æмбырд инвалидты æхсæнадон организациты регионалон хайæдты минæвæрттимæ. Фембæлды дзырдтой, бæстæйы президенты æвзæрстыты тæххæй. Уыдзысты ацы аз мартъийы. Цы фарстатыл ныхас цыд, уыдоны *хсæн – се нæниздзинад хъыгдард кæмæн у, уыцы адæмæн хъæлæс кæныны фадæттæ аразын. Æдæппæтæй республикæйы ис 60 мин ахæм æвзарæгæй фылдæр. Хъæлæс кæныны участоктæ сæрмагондæй сифтонг кæндзысты инвалидты 3 категорийæн: æвзæр кæнæ æппындæр чи нæ уыны æмæ хъусы, стæй йæ астæуыстæг хъыгдард кæмæн у, уыдонæн. Хайæдтæ æххæст сты пандустæй, лифтытæй æмæ сæрмагонд кабинкæтæй. Ис, хæдзары схъæлæс кæныны фадат дæр.