Муфтий Гуæцæлты Хадзымурат радзырдта управленийы фароны куысты тыххæй
Дзæуджыхъæуы уыд республикæйы пысылмæтты управленийы советы æмæ имамты советы иумæйаг æмбырд. Архайдтой дзы вице-премьер Платы Альбинæ, национ политикæйы æмæ æддагон бастдзинæдты министр Бæгъиаты Алан, Парламенты депутаттæ. Муфтий Гуæцæлты Хадзымурат радзырдта управленийы фароны куысты тыххæй. Мадзæлтты *хсæн – Турчы æмæ Сирийы зæххынкъуыстæй хъыгдард чи баййæфта, уыдонæн гуманитарон æххуыс, дискуссион клуб «Хæлар Кавказ»-ы фæсивæдон форум, быцæу уавæрты фæсивæдимæ куыст. Имамтæ радзырдтой æхсæнадты архайды тыххæй. Ныхас цыд ацы азы нысантыл дæр. Сæрмагондæй, пысылмæтты управленийы хистæрты советы архайд сног кæныныл, палестинæгтæн гуманитарон æххуысыл, стæй уæлдæр, сæ хыгъды дины ахуыргæнæндæттæм дæр абитуриентты цæттæ кæныныл.
