Йæ фæлтæрддзинады сусæгдзинæдтæ сын раргом кодта адæмон сфæлдыстады уæрæсейаг хæдзары хореографион аивады сæйраг специалист Василина Синица
Дзæуджыхъæуы уыдысты дæсныйадæвдисæг ахуыртæ аивадон æмæ адæмон коллективты разамонджытæн. Йæ фæлтæрддзинады сусæгдзинæдтæ сын раргом кодта адæмон сфæлдыстады уæрæсейаг хæдзары хореографион аивады сæйраг специалист Василина Синица. Хореограф бакуыста, æнæ балетон станокæй æмæ кæсæнтæй классикон кафт амоныны авторон методикæйыл. Республикæйы бирæ районты ансамбльтæн сæ бон нæу кафæн кълæстæ æмбæлгæ домæнтæм гæсгæ сæххæст кæнын, уымæ гæсгæ ахæм практикон ахуыр у тынг ахсджиаг. Адæмон сфæлдыстады республикон хæдзары дæсныйадæвдисæг ахуыртæ арæзт æрцыдысты æрвылазон семинар-практикуммæ гæсгæ. Уыдис дзы 70 архайæгæй фылдæр.
