филиал вгтрк государственная телерадиовещательная компания “Алания”

Республикæйы Хицауады сæрдар Дзанайты Барис фембæлд цæрджытимæ. Курдиæттимæ йæм æрбацыдысты  уæлдæр технологон медицинон æххуысы æмæ зынаргъ хостæ балхæныны тыххæй. Ацы хъуыддаджы баххуыс кæндзысты паддзахадон оргæнтæ. Курдиæттимæ æрбацыдысты бирæсывæллонджын ныййарджытæ. Уыдоны бинонтæн та баххуыс кæндзысты республикæйы Сæргълæууæджы резервон фондæй. Цалдæр адæймаджы æрбацыди кæртытæ, машинæты фæндæгтæ æмæ уынгтæ саив кæныны тыххæй. Цæрджытимæ фембæлды архайдтой профилон министрадты разамонджытæ дæр. Дзанайты Барис куыд загъта, афтæмæй йæхæдæг йæ цæст дардзæн курдиæттæ куыд æххæстгонд цæудзысты, уымæ.