Федта, арæзтадон куыстытæ дзы куыд цæуынц, уый.
Дзанайты Барисæн кусæг балц уыд Рахизфарсы районмæ. Федта, арæзтадон куыстытæ дзы куыд цæуынц, уый. Музыкалон скъола, коммуналон хызты æмæ стадион «Пищевик»-ы рацарæзт. Æппæт ацы объекттæ хаст сты Беслæны генералон пъланмæ.
Беслæны Менделеевы уынджы фæзындзæн ахуырады райрæзты центр. У, горæты комплексон райрæзты генералон пъланы программæмæ цы объекттæ хауынц, уыдонæй иу. Иннæ аз хъуамæ сцæттæ уа. Скъола аразын райдыдтой майы, фæлæ ныридæгæн куыстытæ фæткæй раздæр æххæстгонд цæуынц.
Скъолайы бынат уыдзæн 550 сывæллонæн. Объектæн радих кодтой 2 æмæ *рдæг гектары фæзуатимæ зæххы хай. Уыдзæн дзы 6 сæйраг корпусы æмæ спортивон фæзтæ.
Генералон пъланы стыр æргом здæхт цæуы спорты райрæзтмæ дæр. Ныртæккæ рацаразынц районы сæйраг футболон стадион «Пищевик». Уыдзæн дзы 2 мин бынатæн трибунæтæ, сæйраг быдыры раз сараздзысты æхгæд аренæ зымæджы тренировкæтæ кæнынæн, уыдзæн допинг-пробæтæ дæттынæн агъуыст æмæ тренажерты зал.
Марковы æмæ Ленины уынгты тигъыл канализацийы æмæ доны системæйы арæзтадимæ ис стыр къуылымпытæ. Дон уадзыны хæтæлтæ хъуамæ æвæрд æрцæуой сентябры кæронмæ, фæлæ фæллойгæнджытæ нырма æмбис куыст сæххæст кодтой. Канализацион системæ та цæттæ кæнынц декабрьмæ. Ацы хъуыддаг 30 процентæн конд у.
Горæты аразынц ног музыкалон скъола. 3 мæймæ объекты куыстытæ пъланæй афæстиат сты, фæлæ аразджытæ зæгъынц, алцыдæр афоныл конд уыдзæн. Афæдзы кæронмæ хъуамæ сцæттæ уа бæстыхайы каркас. 2023-æм азы та фæуыдзысты мидæггаг куыстытæ, саив кæндзысты территори.
Генералон пъланмæ гæсгæ ма арæзт уыдзæн цалдæр объекты – тагъдæххуысы станцæ, нывкæнынады скъола, æвзонг техникты æмæ натуралистты станцæ. Фæнд ма кæнынц рацаразын поликлиникæ, сывæллæтты сфæлдыстады галуан, саив кæнын æхсæнадон территоритæ.
Беслæны комплексон райрæзт æххæстгонд цæуы республикæйы социалон-экономикон рæзты программæмæ гæсгæ. Царды йæ уаддзысты 2025-æм азмæ.
