Сæйрагдæр темæты хсæн – республикæйы инвестицион климат фæхуыздæр кæнын
Хицауады Сæрдар Дзанайты Барисы разамындæй арæзт æрцыд инвестицион рæзты фарстаты фæдыл æмбырд. Сæйрагдæр темæты хсæн – республикæйы инвестицион климат фæхуыздæр кæнын. Æмбырды куыд бафиппайдтой, афтæмæй хицаудзинады оргæнты æмæ инвестицион рæзты специалистты иумæйаг хæс у бизнесæн уавæртæ аразын, æмæ бæлвырд мадзæлттæ снысан кæнын. Ныридæгæн дæр цæуы стыр куыст. Арæзт цæуынц ног куысты бынæттæ. Регионы цалдæр азы кусы рæзты агентад. Федералон æмвæзады цæттæгонд цыдысты ахсджиаг проекттæ, æмæ сæ ныртæккæ æнтыстджынæй уадзынц царды. Ахæм архайд хъуамæ цæуа дарддæр дæр. Нæ сæйраг хæс у, республикæйы Сæргълæууæг Сергей Меняйло цы нысантæ сæвæрдта, уыдон æххæст кæнын, – загъта премьер. Ныртæккæ Цæгат Ирыстоны рæзты агентад кусы 18 инвестицион проектыл. Нæ регионмæ æрбаздæхтой егъау уæрæсейаг компаниты ргом. Уымæй дарддæр ма æмархайд цæуы стратегион хъæппæристы Агентадимæ. Паддзахадон программæ «Цæгат Кавказы федералон зылды Рæзт» æххæст кæнгæйæ, хорзыл банымадтой 9 проекты. Сæ иумæйаг аргъ у 3 миллиард сомы. Афтæмæй ма фæзынд 300 куысты бынаты. Дзанайты Барис ма загъта, Уæрæсейы экономикон рæзты министрадимæ æнгомдæр æмгуыстад кæнын кæй хъæуы, уый. Стæй уæлдай тынгдæр инвесторты æргом здахын.
