Æрдзон æвæрæнты æмæ экологийы министр Кокойты Виталий радзырдта уавæры тыххæй
Дзанайты Барисы разамындæй ма цы æмбырд ацыди, уым ныхас цыди Фыййагдоны æмæ Мызуры хъæздыггæнæн фабрикты æмæ Дзæуджыхъæуы клинкеры фæстиуджытæ иуварс кæныны мадзæлттæн документтæ бацæттæ кæныны фарстатыл. Хицауады сæрдар бахæс кодта, Национ проект «Экологи»-йы фæлгæты федералон проект «Генеральная уборка»-йы Цæгат Ирыстоны архайды фарстатыл æвæстиатæй бакусын. Цæгат Ирыстоны æрдзон æвæрæнты æмæ экологийы министр Кокойты Виталий радзырдта уавæры тыххæй. Æнгом æмгуыстад сын ис, Уæрæсейы æрдзмæ цæстадрды управленийымæ æмæ Стъараполы анализ æмæ техникон бæрстыты лабораторон центримæ. Премьер зæрдыл æрлæууын кодта, ацы фарстайы фæдыл республикæйы Сæргълæууæг Сергей Меняйло рагагъоммæ цы ахадгæ куыст бакодта, уый. Ныр ахсджиаг у, цыбыр рæстæгмæ æппæт хъæугæ документтæ бацæттæ кæнын, æмæ фарста алыг кæнын. Ацы къæпхæн стыр проекты архайынæн у æппæтæй ахсджиагдæр. Афтæмæй республикæ цæуы федералон æмвæзадмæ. Абон федералон центр регионтæн дæтты уæрæх гæнæнтæ, уыимæ, федералон программæты æмæ национ проектты архайынæн, загъта Дзанайты Барис.
