Архайдтой дзы 54 спортсмены Цæгат Кавказы федералон зылды регионтæй
Джызæлы арæзт æрцыд практикон æхстыты чемпионат. Архайдтой дзы 54 спортсмены Цæгат Кавказы федералон зылды регионтæй. Фæлтæрдджынты æмрæнхъ архайдтой æвзонг спортсментæ дæр. Куыд ацыдысты ерыстæ, уый тыххæй радзурдзæн Моргуаты Ладæ.
Йæ алы фехстæй дæр хæстæгдæр кæны йæ нысанмæ. Гусаты Светæ дзы у æппæтæй æрыгондæр, лæппуты хсæн у иунæг чызг. Хæцæнгарзæй æхсынæй æхуыр кæнынмæ фыццаг хатт æрбацыд йæ фыдимæ, æмæ уæдæй нырмæ йæ арæхстдзинадыл гуырысхо нæ кæны.
Практикон æхстыты чемпионат цыд 2 боны. Мысан акъуырынæй ерыс кодтой 54 æрыгон спортсмены. Сты Цæгат Кавказы Федералон зылды регионтæй. Сæ арахæстдзинад æвдыстой хуымæтæг, стæй алыхуызон дамбацатæ æмæ карабинæй æхсынæй. Турнирмæ бацæттæ кодтой 5 фæзуаты, сифтонг сæ кодтой алыхуызон мысантæй. Алы хæслæвæрд дæр у ног æмæ цымыдисаг, спортсмен рагацау нæ зоны, цы йæ хъæудзæн сæххæст кæнын, уый. Уымæй хицæн кæны практикон æхстыты турнир.
Мысан акъуырæн ис, фæлæ йæм бирæ рæстæг хъавдзынæ, уый хыгъд ис ахæмтæ æмæ иу уысымммæ мысаныл чи фембæлдзæн. Кæй зæгъын æй хъæуы, уый гæнæнтæ рамбулынмæ фылдæр сты. Нымад цæуынц балтæ æмæ цы рæстæг схардз кодта, уый. Игорь Тригидько ссыд Пятигорскæй. Фарон сси турниры уæлахиздзау æмæ спорты мастермæ кандидат. Хæцæнгæрзтæй уарзы граждайнаг карабин – «Сайга 9».
Æппынæдзух хиуыл кусын æмæ арæхсын цыбыр рæстæгмæ мысан акъуырынмæ. Ацы аз уыцы хæслæвæрдтæм гæсгæ фыццаг бынат бацахстой Алексей Кокин Краснодарæй, Хъамбегты Таймураз Цæгат Ирыстонæй æмæ Медойты Давид Хуссар Ирыстонæй. Æвзонг спортсменты хсæн фыццаг бынат бацахста Гусаты Светланæ. Ныр сæ хæс у Хуссайраг арæнтæй рахизын æмæ дарддæр сæ нысанмæ цæуын.