31 марта 2021, 13:39
Экологийы æмæ æрдзон æвæрæнты министрады специалисттæ Дзæуджыхъæуы атмосферæйы уæлдæфæй систой фæлварæнтæ
Ацы хатт иртæстытæ кодтой, уæлдæф æвзалытуаг газæй хъæстæ у, æви нæ, уымæн
Цæгат Ирыстоны экологийы æмæ æрдзон æвæрæнты министрады специалисттæ радон хатт Дзæуджыхъæуы атмосферæйы уæлдæфæй систой фæлварæнтæ. Ацы хатт иртæстытæ кодтой, уæлдæф æвзалытуаг газæй хъæстæ у, æви нæ, уымæн. Фæлварæнтæ исынц сæрмагонд прибортæй, сцъирыц дзы уæлдæф, æмæ уый радты бæрæггæнæнтæ. Атмосферæйы уавæрæн мониторинг кæнынц, транспорт бирæ кæм вæййы, ахæм бынæтты. Бæрæггæнæнтæ куыд равдыстой, афтæмæй æфсæнвæндаджы вокзалы районы уæлдæф нормæйæн дзуапп дæтты.
