Ныридæгæн бакодта стыр куыст
«Электроцинчы» заводы раздæры кусджытæн ног куысты бынæттæ ссарыны хæс йæхимæ райста хъæппæрисджын къорд. Ныридæгæн бакодта стыр куыст. Æмгуыстады фарстатыл ныхас кæнынц канд нæ республикæйы нæ, фæлæ ма сыхаг регионты дæр. Ацы фарстайы фæдыл арæзт уыдзæн армукъа. Куыст дæттыны комитеты хыгъды ис 70 организацийы. Уым цæттæ сты 400 адæймагæн баххуыс кæнынмæ. Бæлвырддæр радзурдзæн Моргуаты Ладæ.
Зарезина у «Электроцинчы» раздæры кусæг. Ам фæллой кодта 20 азы бæрц. Ныр та йæхи æвзары æндæр дæсныйады. Ног фæлтæрддзинад æвзары республикæйы арæзтадон егъау дуканитæй иуы. Менеджеры канд фæлхасгæнджытимæ ныхас кæнын нæ хъæуы, фæлæ хъуамæ зона сæрмагонд программæтæ, уыдонмæ хауы бухгалтеры куыст дæр. Чызджы йæ царды ногдзинæдтæ нæ тæрсын кæнынц, сæйрагдæр у фæндон, зæгъы Наталья.
Царды ногдзинæдтæ хъуамæ тæрсын ма кæной, хорз, фæллойуарзаг кусджытæ хъæуынц алы ран дæр, зæгъы базарадон хæдзары директор Хъараты Анзор. У ма, Электроцинчы раздæр чи фæллой кодта, уыцы адæмæн куыст ссарыны хъæппæрисджын къорды уæнг. Бизнес хауы, социалон бæрнондзинадæн дзуапп чи дæтты, уыцы куыстуæттæм. Æмæ хъæппæрисджын къорды уæнгтæ адæмæн куыст агуырынц промышленнон куыстутæтты, стæй сæ ахуыр кæнынц æндæр дæсныйæдтыл дæр.
Ацы фарстайыл кусгæйæ арæзт уыдзæн армукъа. Куыстдæттыны комитеты хыгъды ис 70 организацийы. Уыдон цæттæ сты 400 адæймагæн баххуыс кæнынмæ. Сæрмагонд фыстæджытæ æрвыст уыдысты сыхаг республикæтæм. Промышленнон куыстутæтты бон у 2 мин адæймаджы кусынмæ райсын. Фæлæ бирæты нæ фæнды хæдзарæй дарддзæф ран фæллой кæнын. Æмтгæй куыстдæттыны комитеты зæгъынц, раздæры фæллойгæнджытæ нырма се ппæт куыст нæ агурынц, уый баст у уыимæ, æмæ сентябры онг, закъонмæ гæсгæ исдзысты мызд.
Ис ахæмтæ дæр æмæ сæвзæрд уавæры йæхи куыстуат чи байгом кодта. Экономикон уавæр бынтон нывыл нæу, фæлæ уыцы уавæр нæ ахуыр кæны рæвдз хъуыды кæныныл, зæгъы Электроцинчы раздæры кусджытæй иу. Чеджемты Сæрмæт сарæзта ахорæнтæуадзæн куыстуат. Йе мбæлттимæ бахаста фæрæзтæ, уыдонæй аренды райстой бæстыхай æмæ балхæдтой кусæнгæрзтæ. Баххуыс сын кодтой бизнес-инкубаторы – лæвар ныммыхуыр кодтой этикеткæтæ.
Лæппу ныронг æмгуыстад кæнын бынæттон аразтадон компанитимæ. Нысан кæны йæ куыстуат фæуæрæхдæр кæнын æмæ регионæй дарддæр ацæуын
Дур куынæ базæмæла, уæд йй бынмæ дон дæр нæ цæуы, зæгъы æрыгон амалхъом адæймаг. Уый хъуыды кæнгæйæ, лæппу йæ къухтæ не руагъта, æмæ сси амалхъом адæймаг.
