Сæйраг хæс – Донецкæй чи ссыди, уыцы адæмы Ирыстоны культурæ æмæ æгъдæуттимæ базонгæ кæнын
Этнокультурон фестиваль «Луч Осетии» республикæйы арæзт æрцыди фыццаг хатт. Сæйраг хæс – Донецкæй чи ссыди, уыцы адæмы Ирыстоны культурæ æмæ æгъдæуттимæ базонгæ кæнын. Уазджытæ Цæгат Ирыстонмæ куы ссыдысты, уæдæй нырмæ сæ фæндыди Уынал бабæрæг кæнын. Сæ ныхæстæм гæсгæ, ацы зын рæстæг хæхтæ адæймагæн хæссынц уæлдай удæнцойдзинад. Бацæттæ сын кодтой тематикон фæзтæ æмæ экскурситæ. Архайдтой, нæ рагфыдæлтæ цы хъæзтытæй хъазыдысты, ахæмты.
Донецкæй уазджытыл ам сæмбæлдысты традицимæ гæсгæ, æртæ чъирийы æмæ ирон бæгæныйы къусимæ. Скуывтой не сфæлдисæгмæ, курдтой, цæмæй хæст тагъддæр фæуа, æмæ, сæ цæрæн бынæттæ ныууадзын кæй бахъуыди, уыцы адæм тагъд рæстæджы сæмбæлой сæ райгуырæн бæстæйыл æмæ сæ хиуæттыл.
Этнокультурон фестиваль «Луч Осетии» республикæйы арæзт æрцыди фыццаг хатт. Сæйраг хæс – уазджыты Ирыстоны культурæ æмæ æгъдæуттимæ базонгæ кæнын. Ацы хъуыддаджы сын баххуыс сты тематикон фæзтæ. Уый, экскурситæ, национ хъæзтытæ. Архайыны фадат дзы уыди алкæмæн дæр. Ева Морозовайы бафæндыд йæ тыхтæ рæттыл хъæбысхæстæй бафæлварын. Чызг куыд зæгъы, афтæмæй, цæмæй спорты ацы хуызы къухы æнтыстдзинæдтæ бафта, уымæн æрмæст тых фаг нæу. Хъæуы дзы арæхстдзинад дæр. Импровизацигонд гауыз, роны бæсты рæхыс. Фæз арæзт у, рагфыдæлты уавæртæм гæсгæ.
Иу къухæй уæзæгтæ исын, æфсæйнаг къори дарддæр æппарын. Глеб Колесников зæгъы, ахæм спорты хуызы тыххæй зонгæ дæр нæ кодта. Йæ хъуыдымæ гæсгæ дзы сæрмагонд цæттæдзинад нæ хъæуы. Сæйрагдæр у домæнтæ æмæ фæтк æххæст кæнын.
Донецкæй уазджытæ алы тематикон фæзы дæр сты сæйраг архайджытæ. Ахуыр сæ кодтой ирон чъиритæ кæныныл æмæ национ кафтыл дæр. Равдыстой сын рагон хæдзары дзаумæттæ. Агъуысты астæу традицион æртæкъахыг фынг. Ам уынæм сыкъа æмæ къус. Ацы згъæр та у бæхæн, уый дæр аивгонд у национ орнаментæй. Уазджытæ Цæгат Ирыстонмæ куы ссыдысты, уæдæй нырмæ сæ фæндыди Уынал бабæрæг кæнын. Сæ ныхæстæм гæсгæ, ацы зын рæстæг хæхтæ адæймагæн хæссынц уæлдай удæнцойдзинад.
Ацы мадзал бацæттæ кодтой Цæгат Ирыстоны фæсивæдон парламенты уæнгтæ. Йæ сæрдар Джиоты Георгий куыд фæнысан кодта, афтæмæй фестивалы бындур у, фæсивæдон парламент æрвылмæй кæй арæзта, ахæм хуымæтæг поэтикон изæр.
Кæд этнокультурон фестиваль нæ республикæйы фыццаг хатт ацыд, уæддæр йæ аразджытæ зæрдæ дарынц, традицион кæй суыдзæн, ууыл. Фидæны йын фæнд кæнынц йæ географи дæр фæуæрæхдæр кæнын.
