Фæндæгты хæдзарады комитеты сæрдар куыд загъта, афтæмæй ивгъуыд азы цалцæггонд æрцыди фæндæгты 96 км
Фæндаггон картæйы инфраструктурæйы фарстатыл ныхас цыди Тускъаты Таймураз æмæ Солиты Тариэлы кусæг фембæлды рæстæг. Фæндæгты хæдзарады комитеты сæрдар куыд загъта, афтæмæй ивгъуыд азы цалцæггонд æрцыди фæндæгты 96 км. Эксплуатацийы радтой æртæ хиды, сæ иу Камбилеевкæйы цæугæдоны сæрты, иннæ дыууæ та Октябрьскæйæ Тарскæмæ фæндагыл. «Фæндæгты æдасдзинады змæлды» фæлгæты арæзт æрцыди 23 къахвæндаджы. Фидæны нысан кæнынц, Æрыдоны иувæрсты чи цæуы, уыцы фæндагыл рухсытæ сæвæрын, стæй фæндæгтыл видеоцæстдарды уæлæмхасæн системæйæ сифтонг кæнын. Республикæйы районты цалцæггонд æрцыди фæндæгты 113 км. Уымæй уæлдай, Дзæуджыхъæуы асфальт сæвæрдтой хæдзæртты кæртыты 103 квадратон метры. Федералон фæрæзтæй райдыдта Мамысонгмæ фæндагыл 500 метры тъунелы рацарæзт, Красногорæй Николаевскимæ фæндагыл æмæ Фарныхъæуы хидты арæзтад. Куыстытæ дырддæр цæуынц Дзæуджыхъæу-Æрыдон-Цыкола-Лескен-ы фæндагыл дæр. Арæзтадон куыстытæ сфæнд кодтой Куырттаты комы, цалцæггонд æрцæудзæн Фыййагдоны нæлгоймæгты Алайнаг моладзангдоны цур хид дæр.