филиал вгтрк государственная телерадиовещательная компания “Алания”

Гæздæнты Гайтойы номыл фæсивæдон библиотекæйы уыд актер, театралон режиссер Цæриаты Валериимæ сфæлдыстадон фембæлд. Архайдтой дзы педагогон колледжы студенттæ. Щукины номыл театралон училищæйы актерты хайады ирон студийы рауагъдон, ныр та республикæйы аивæдты сгуыхт архайæг фæсивæдæн радзырдта актеры дæсныйады хицæндзинæдты, стæй театралон аивады зындзинæдты æмæ хорздзинæдты тыххæй. Ныхас цыд спектакльтыл æмæ ирон кинонывтыл, мадæлон æвзагыл. Студенттæ фарстой ног спектакльты тыххæй. Цæриаты Валерий куыд загъта, афтæмæй фæсивæд хорз зонгæ у ирон театры репертуаримæ, æмæ уый æхсызгон у.