Хъæзтытæ баст уыдысты «Кавказ суæгъд кæныны тох» кæй фæцис, уый 80 азимæ
Фæсивæдон историон-патриотон квест-чемпионат «Великая Победа в нашей памяти» фæцис. Хъæзтытæ баст уыдысты «Кавказ суæгъд кæныны тох» кæй фæцис, уый 80 азимæ. Æвзарæн къæпхæнты архайдта 30 командæйæ фылдæр. Хæслæвæрдтæ баст уыдысты, бынаты ориентаци кæныны зонындзинæдтæ фылдæр кæнынимæ æмæ райдайæн æфсæддон цæттæдзинадимæ. Сæ хыгъды – мысан æхсын, автомат æмæ дамбаца сæмбырд кæнын æмæ райхалын, фыццаг медицинон æххуыс кæнын, цæф адæймаджы ахæссын, доны сæрты ахизын. Финалисттæ ма дзуапп лæвæрдтой Фыдыбæстæйы Стыр хæсты тыххæй, сæрмагондæй та – Кавказ суæгъд кæныны тохы тыххæй фæрстытæн. Хуыздæр сси Дзæуджыхъæуы электроникæйы колледжы командæ. Дыккæгтæ систы 44-æм скъолайæ архайджытæ, æртыккæгтæ та – 18-æм скъолайы ахуырдзаутæ. Квест-чемпионат сарæзтой æхсæнадон змæлд «Движение первых»-ы федералон грант æххæстгæнгæйæ. Проект царды рауагъдтой Уæрæсейы спортивон ориентаци кæныны Федерацийы æмæ Уæрæсейы æфсæддон-историон æхсæнады республикон хайæдтæ.
