Ацы аз сæ архайд фылдæр баст уыд короновирусы низ парахат кæныны фæстиуджытимæ
Федералон антимонополон службæйы цæгатирыстойнаг управленийы хатдзæгтæ скодтой 2020 афæдзы фыццаг æмбисы куыстæн. Ацы аз сæ архайд фылдæр баст уыд короновирусы низ парахат кæныны фæстиуджытимæ. 3-æм мартъийæ цæст дардтой социалон нысаниуæг кæмæн ис, уыцы товарты æргътæм, уыимæ медицинон маскæтæм. Федералон антимонополон службæйы куысджытæ æмбарынгæнæн куыст кодтой бизнесы минæвæрттæ æмæ фæлхасгæнджытимæ. Уымæ гæсгæ, фыццаджыдæр хъæугæ товарты аргъ æмтгæй райсгæйæ не схыст Цæгат Кавказы федералон зылды аргъæтæй уæлдæр. Управленийы разамонæджы ныхæстæм гæсгæ сæ куысты ахсджиагыл банымадтой нефты продукты аргъмæ, хæдзарадон субъектты куыстмæ, республикæйы финансон архайдмæ сæ хъус куыд дардтой уый æмæ муниципалон организациты паддзахадон æлхæдтытæм цæстдард.