18 декабря 2020, 13:20
«Фонд Росконгресс» Цæгат Ирыстоны тыххæй рауагъта фыццаг видеоæрмæг
Нæ республикæ Цæгат Кавказы регионты хсæн у фыццаг, медиапроект «Уæрæсейы регионты» чи архайы, ахæм
Уæрæсейы егъаудæр равдыстадон конгрессон мадзæлттæ аразæг «Фонд Росконгресс» Цæгат Ирыстоны тыххæй рауагъта фыццаг видеоæрмæг. Нæ республикæ Цæгат Кавказы регионты хсæн у фыццаг, медиапроект «Уæрæсейы регионты» чи архайы, ахæм. Фонды минæвæрттæ бабæрæг кодтой Ирыстоны туристон æмæ инвестицион объекттæ – Уæлладжыры комы цымыдисаг бынæттæ, Дæргъæвсы зæппæдзтæ æмæ Мамысонгом. Уазджытæ федтой Паддзахадон академион ансамбль «Алан»-ы репетици, базонгæ сты ирон хæринæгтимæ дæр. Медиапроекты нысан у равдисын нæ туристон хъомыс æмæ сразæнгард кæнын инвесторты. Фонды минæвæрттæ ныронг уыдысты Байкалы, Кузбассы æмæ Кемеровы областы.
темæмæ гæсгæ
