Йæ нысан у командæйы цæттæдзинад æмæ цымыдисаг хъазт равдисын
Футболон клуб «Алани»-йы ног сезоны фыццаг туры хъæзтытæ ирдæй æвдисынц, командæ хорз цæттæ кæй у, уый. Йæ нысан у командæйы цæттæдзинад æмæ цымыдисаг хъазт равдисын. Тренерты штабы фидарæй уырны, командæ иумæйаг æмбырдты куыд хорз хъазыд, йæ ныхмæлæуджытимæ та уымæй хъуыздæр кæй æвдисдзæн йæхи, ууыл. 8 футболисты фæхъуыд коллективæй, фæлæ сæрды трансферты руаджы фарста лыггонд æрцыд. Командæмæ цы ног футболисттæ æрбацыд, уыдон ныридæгæн иннæ лæппутимæ сты æмзонд.
Ног сезоны райдиан алы хатт дæр вæййы зæрдæхсайгæ рæстæг. Командæйы нысан у, ныры онг цы зонындзинæдтæ райста, уыдоны руаджы æвдисын æнтыстджын хъазт. Цæттæ кодта йæхи Мæскуыйы. Ныридæгæн акодта 4 хъазты. Хæрзæрæджы командæйы тренер сси Бететы Сослан. Уыцы хабар нæ фæкъуылымпы кодта йæ цæттæдзинад. Иумæйаг ахуыртæ цыдысты æмбæлгæ уагыл. Бететы Сосланы ныхæстæм гæсгæ, футболисттæ уыцы рæстæг æвдыстой иттæг хорз цæттæдзинад.
Сæрды командæйæ ацыдысты 8 футболисты, уыдонимæ ивгъуыд сезоны фылдæр голтæ чи бакъуырдта уыцы Ислам Машуков дæр. Командæйы ног уæнгтæ систы 6 адæймаджы: Нури Абдоков, Вильямс Чемези, Павел Долгов, Кокойты Давид, Илья Москаленчик æмæ Сергей Макаров. Бететы Сосланы ныхæстæм гæсгæ, клубы ацы лæппутæн сæ адаптаци ацыд æнцонæй.
Ноджыдæр ма иу ивддзинад æрцыд клубы. Командæйы æрдæгхъахъхъæнæг Цæллагты Ибрагим сси йæ капитан. Лæппуйы ныхæстæм гæсгæ, уымæн уый у стыр бæрнондзинад.
Ныридæгæн «Алани» рамбылдта 4 очкойы. Фыццаг хъазт «Уфа»-йимæ фесты хæрæгсастæй. «Тюмень»-ы рамбылдта, 28 -æм июлы та Грознайы «Родинæ»-йæн фæхæрд.
