Уый фæдыл документ бафыстой республикæйы сæргълæууæг Сергей Меняйло æмæ футболон клубы вице-президент Гуыриаты Данил
Футболон клуб «Алани» республикæйы бæрнмæ балæвæрдта 25% стæй бындурон капиталы иу акци. Уый фæдыл документ бафыстой республикæйы сæргълæууæг Сергей Меняйло æмæ футболон клубы вице-президент Гуыриаты Данил. Куыд бафиппайдтой, афтæмæй арæзт æрцæудзæн директорты совет. Йæ хыгъды уыдзысты хицаудзинады оргæнты стæй футболон клубы минæвæрттæ. Уымæй дарддæр ма Сергей Меняйло бафиппайдта, клубы ма кусдзæн тренерты совет дæр. Уый хæсдзæн ахсджиаг уынаффæтæ, клубы хицæуттимæ иумæ. Клубы вице-президент Гуыриаты Данилы хъуыдымæ гæсгæ, документ бар дæтдзæн командæйы рæзтыл республикæимæ иумæйаг хъарутæй кусынæн. Сергей Меняйло æмæ Гæззаты Юрийæн балæвар кодтой «Аланийы» футболкæтæ. Регионы разамонæгæн йæ номыр у фыццаг. Спорты министрæн та – дæсæм. Йæ рæстæджы-иу уый футболон фæзмæ рацыд ацы номыримæ.
