Йе *нæниздзинад хъыгдард кæмæн у, ахæм адæмы хсæн турнир футболæй арæзт æрцыд Раменскæйы
Футболон клуб «Ирыстон» сси Уæрæсейы чемпионаты æвзист призер. Йе *нæниздзинад хъыгдард кæмæн у, ахæм адæмы хсæн турнир футболæй арæзт æрцыд Раменскæйы. Не *мзæххонтæ æрмæст командон 2-аг бынат нæ райстой, фæлæ систы хуыздæртæ хицæн номинациты дæр. Бæлвырддæр хабæрттæ радзурдзæн Хъайтмазты Дзерассæ.
Гæмæонты Игорь – футболист, командæйы хицау, амалхъом адæймаг. Сæйрагдæр та – фидар удыхъæды хицау. Йæхи куы ныццавта, уый фæстæ йæ къах ампутацигонд æрцыд. Фæлæ йын уый йæ ныфс нæ асаста. Активон цардыуагмæ тырнындзинад æй æрбакодта спортскъола «Стимул»-ы футболон командæ «Иристон-Автодор»-мæ. Хъазыд дзы 1999-æм азæй фæстæмæ. 2013-æм азы та, дзæуджыхъæуккаг командæ куы фехæлд, уæд сси Уæрæсейы иугонд командæйы капитан – дунейы у тыхджындæртæй иу.
Хъазыд Мæскуыйы, Нижний Новгороды, Волгограды æмæ Грознайы командæты. Кæддæриддæр ын сæйрагдæр уыд хи карьерæ нæ, фæлæ иумæйаг хъуыддаг. Уымæ гæсгæ 6 мæйы размæ республикæйы разамындмæ фæсидт, йе нæниздзинад хъыгдард кæмæн у, уыцы адæмæн командæ сног кæныны курдиатимæ. Афтæмæй та фæзынд «Иристон». Сси Уæрæсейы чемпионаты æвзист призер.
Уæрæсейы чемпионат футболæй йе нæниздзинад хъыгдард кæмæн у, ахæм адæмы *хсæн арæзт æрцыд Раменскæйы. Турниры архайдта 7 командæйы. Уæлахиздзау сси «СКИ Академия» Волгограды облæстæй. Ирыстоны командæ бацахста дыккаг бынат. Хуыздæр хъазджыты номинацимæ бахауд 3 не *мзæххоны – æрдæгхъахъхъæнæг Гæмæонты Игорь, хъахъхъæнæг Михаил Готовский æмæ дуаргæс Виктор Яковлев.
Клубы ныртæккæ ис 14 футболисты, фæлæ фæнд кæнынц фылдæр адæмы æрбахонын. Уыимæ сæ кармæ гæсгæ не взардзысты. Командæйы ныридæгæн ис 13-аздзыд спорстмен. Ацы аз ма «Иристон» хъуамæ архайа Уæрæсейы футболон Цæдисы кубок рамбулыны ерысты. Уыдзæн ноябры. Командæйы разамонæджы ма фæнды саразын республикон турнир дæр.
