Уый æбамбырд кодта 60 спортсменæй фылдæр Цæгат Кавказы регионтæй стæй Краснодары крайæ
Балансыл кусын, дæ хъарумæ цæстдарын, сæйрагдæр та физикæйы закъонтæ хъуыды кæнын. Бильярд – хуымæтæг хъазт нæу. Фыццаг хатт Дзæуджыхъæуы арæзт æрцыд уырыссаг бильярдæй регионты хсæн турнир. Æппæтæй кæстæр архайæгыл 7 азы йеддæмæ нæ цыди. Фæлæ йæ тыхтæ бавзæрста фæлтæрдджын спортсментимæ æмрæнхъ. Фыццæгæм къласы ахуырдзауы хорз зонынц Цæгат Кавказы федералон зылды бильярды дунейы. Уæвгæ, бильярд домы стратегион хъуыдыкæнынад. Раст шахмæтты хуызæн, æрмæст хъуыды кæнынæн уыйбæрц рæстæг нæй. Стæй дзы лыстæг хъуыддæгтæ дæр нæй, алцыдæр у ахсджиаг. Уырыссаг бильярдæй регионты хсæн турнир æбамбырд кодта 60 спортсменæй фылдæр Цæгат Кавказы регионтæй стæй Краснодары крайæ. Сæ арæхстдзинад дзы равдыстой Дагестаны, Хъæрæсе-Черкесийы, Цæцæны æмæ Стъараполы крайы минæвæрттæ. Уыдонæй 8 адæймаджы адих кæндзысты призы фонд. Ацы аз у 200 мин сомы.
