Гауызмæ рацыдысты 140 лæппуйы, 9 азæй 11 азы онг кæуыл цæуы, ахæмтæ
Фыццаг турнир самбойæ «Курсанттæ-кировецты» номыл арæзт æрцыд спортивон клуб «Динамо»-йы. Гауызмæ рацыдысты 140 лæппуйы, 9 азæй 11 азы онг кæуыл цæуы, ахæмтæ. Уыдон канд республикон секциты хъомылгæнинæгтæ нæ уыдысты, фæлæ ма Уæрæсейы хуссар хайы регионты минæвæрттæ. Турнир баст уыд Кировы номыл Цæгат Кавказы мидæфсæдты институты рауагъдонты номимæ. Уыдон кæддæриддæр хъуыстгонд уыдысты се спортивон цæттæдзинадæй. Уæлдайдæр та сгуыхтдзинæдтæ æвдыстой самбойæ. Йæ кадджын историмæ æфсæддон ахуыргæнæндон бацæттæ кодта бирæ инæлартæ æмæ ма 900 офицерæй фылдæр. Йæ рауагъдонтæ æмæ ахуыргæнджытæ кæддæриддæр активонæй сæхи æвдыстой нæ бæстæйы царды. Хъахъхъæдтой конституцион фæтк æмæ тох кодтой Райгуырæн зæххы сæраппонд.
