Бæстон æркастысты, ныридæгæн эксплуатацийы кæй радтой, æмæ ма куыстытæ кæм цæуынц, ахæм арæзтæдтæм
Горæтгæрон районы администрацийы хъæппæрисæй арæзт æрцыд пресс-тур, социалон ахадындзинад кæмæн ис, ахæм объекттыл. Бæстон æркастысты, ныридæгæн эксплуатацийы кæй радтой, æмæ ма куыстытæ кæм цæуынц, ахæм арæзтæдтæм. Боны фæткмæ гæсгæ æркастысты амбулаторитæм, фельшерон-акушерон пункттæм, скъолатæм, рæвдауæндæттæм, фæлладуадзæн зонæтæм æмæ фæндæгты уаццæгтæм районы 8 хъæуы. Фæстаг дыууæ азмæ Горæтгæрон районы арæзт æрцыдысты дыууæ рæвдауæндоны, дыууæмæ та ма скодьтой уæлæмхасæн арæзтæдтæ. Ацы мадзæлттæ конд æрцыдысты, бынæттæ кæй нæ фаг кодтой, уымæ гæсгæ. Октябрьскæйы 10-æм рæвдауæндонмæ цыдысты сыхаг хъæуты сывæллæттæ дæр. Уымæ гæсгæ ма дзы фæзынд уæлæмхасæн арæзтад. Сабитæн ног объекттæ та сарæзтой Куырттаты æмæ Иры.